白咖啡廣告背後 黎明自度對白「咖啡係冇灰色地帶」
發布時間： 2016/05/26 12:33
最後更新： 2016/05/26 12:33
▲ 相片來源：iMoney智富雜誌
Nestle白咖啡廣告片熱爆全城，由喜感十足的黎明飾演「打工仔阿明」，對着「腦細」林日曦深情演繹歌詞抵死的廣告歌，加上劉江載歌載舞，令不少網民留下深刻印象。短片上載首3小時已破百萬點擊，累積至今已有近400萬人次收看，創下本地製作網上廣告的最高紀錄。
飾演打工仔的黎明，情深演繹推銷咖啡的廣告歌，帶來了莫名喜感，加上「腦細」林日曦絕核抵死的歌詞，以及劉江這神來之筆，令人拍案叫絕。廣告上載首3小時已有過百萬點擊，累積至今已有近400萬人次收看，創下本土製作網上廣告的最高紀錄。而這條好蹺乃出自Nestle幕後女將、市務經理林嘉琪（Kim）。
這條廣告片，除了引起「黎明是不二之選嗎」一問外，對Kim更大的疑問是：「你本身係咪黎明Fans？」Kim沒好氣地說：「其實我鍾意Beyond！」不過當年四大天王中，她的確較喜歡黎明。
在此之前佢已經好多年無唱歌，最近大家忽然黎明，我都有Download返他的歌來聽，奇怪地，原來好多首我都識唱，腦裏的記憶返晒嚟。一下感覺，他是個相識多年伴着我成長的老朋友。
金句王投入感爆燈
最初認定了他，都是膽粗粗試下聯絡。做唔做廣告，都係要飲咗先講，於是先送上一些咖啡給他試飲。我知道他本身好喜歡喝咖啡，仲擔心唔知啱唔啱佢口味，點知好快就收到通知，可以見面詳談下一步。
黎明給予她15分鐘時間，於是接到通知翌日她單人匹馬赴會。甫見面，即問黎明對新配方的意見，誰知金句王又上身：
甜味嗰隻唔係好甜，唔甜嗰隻又有少少甜。
把Kim弄得哭笑不得。而往下來生意上的傾談，Kim卻大叫「好爽」。
可能佢本身是老闆，好明白我們要甚麼，也給了好多意見，意想不到最後同我傾咗成個鐘。
更意想不到的是，黎明對製作的投入感爆燈。
配合歌詞劉江現身
「同佢開會，佢竟然反Sell我，話5分鐘可以俾3條蹺我。個腦一路轉一路拋Idea出來，Feel到你有少少唔對路就即改，所以片中很多金句，例如『唔好理黑咖啡、白咖啡，只要好飲就係好咖啡』都出自他手筆。」Kim大爆拍攝當日黎明更是爆肚連連，「咖啡係冇灰色地帶」、「我唔係好鐘意佢（黎明）」都是他臨場爆肚所出，
日曦都差點接唔到！
很多人認為廣告片的一大亮點，是黎明唱罷「如劉江……」之後，劉江真的出現了。對於邀得劉江參與拍攝，又是另一故事。
Kim說，當時她認為既然歌詞寫到，就要真的有劉江出現才算「爆」。可惜當時劉江正在內地拍劇，未能參與。正當大家想放棄時，Kim仍非常堅持，更豪語：
佢喺邊？我一定要買機票包佢返嚟！
結果就促成了這個經典場面。
（節錄）
全文刊於《iMoney智富雜誌》第448期（收費閲讀）
iMoney智富雜誌facebook
撰文 : iMoney智富雜誌
